ITE BELLU NURAGHE

Ite bellu nuraghe
in su campu giavesu
in altu in sa collina.

Ite bellu nuraghe...

Sue che viver attesu
dae te columbina
cantu mi dispiaghet.


SOS PARIS DE CAMPEDA

Sos paris de Campeda
los devo cultivare
si poto in custa chida.

Sos paris de Campeda...

Tia cherrer istare
cun tegus totta vida
ca mi piaghes meda.


SOS ANZONES GIOGHENDE

Sos anzones gioghende
curren a totta fua,
poi torran a s'ama.

Sos anzones gioghende...

Cherìa solu intender
dae sa 'ucca tua
s'est beru chi mi amas.


SAS MONZAS DE PAULE

Sas monzas de Paùle
calan a prozessare
a su cunventu nou.

Sas monzas de Paùle...

Su coro meu e tou
lu dian interrare
tott'in d'unu baule.


UN'ISPADA DORADA

Un'ispada dorada
m'hana dadu in cunsigna
ma no m'ammento inue.

Un'ispada dorada...

In totta sa Sardigna
bella comente a tie
atera no che nd'ada.

Nella foto: Pedramendalza, Giave.