Pianu, no l'ischidedas
tantu improvvisamente,
pro chi cherzo solamente
cun calma a nde l'ischidare.
Pro la poder isvizzare
dae su dulze reposu
un'innu melodiosu
suavenente intonedas.

Cun d'una oghe amorosa
a pianu e pagu a pagu,
chi li servat de divagu
ischidendela a donosa,
nendeli: "Gentile rosa,
sirena de sas sirenas
e proite non ti appenas
de chie morit pro amare?"

Nella foto: Osilo e il castello Malaspina.